Ўзбекистон 24 йиллик танаффусдан кейин юнон-рум кураши бўйича ЖЧда олтин медал олди

-63 кг вазн тоифасида баҳс олиб борган Халмаханов ҳал қилувчи беллашувда жанубий кореялик Чунг Хан-Жаени мағлубиятга учратишга эришди.

Бу сўнгги 24 йил ичида юнон-рум кураши бўйича дунё биринчилигида ўзбекистонлик атлетларнинг қўлга киритган дастлабки олтин медали бўлди. 

Шу тариқа, Ўзбекистон терма жамоаси мазкур мусобақада 1 та олтин, 1 та кумуш ва 3 та бронза медалларини жамғаришга эришди.

Олтин медал: -63 кг: Айтжан Халмаханов (юнон-рум кураши)
Кумуш медал: -60 кг: Алишер Ғаниев (юнон-рум кураши)
Бронза медал: -57 кг: Ғуломжон Абдуллаев (эркин кураш), -65 кг: Умиджон Жалолов (эркин кураш), -72 кг: Абдулло Алиев (юнон-рум кураши).