30 июл куни Тинч океанида Камчатка қирғоқлари яқинида кучли силкинишлардан сўнг 6,3 магнитудали зилзила қайд этилди. Бу ҳақда 31 июл, пайшанба куни Telegramʼда Россия Фанлар академияси (РАН) Ягона геофизика хизматининг Камчатка бўлими хабар берди.
Зилзила эпицентри Петропавловск-Камчатский шаҳридан 178 км шарқда, эпицентри 39,4 км чуқурликда жойлашган.
Ўтган кечада сейсмологлар 200 дан ортиқ ерости силкиниши - афтершокни қайд этди.
30 июн, чоршанба куни Камчатка яқинида 1952 йилдан бери энг кучли зилзила содир бўлди.
Геофизика хизматининг Камчатка бўлими унинг магнитудаси 8,7 га етганини маълум қилди. АҚШ Геологик хизмати 8,8 магнитуда деб баҳолади. Америкалик сейсмологларнинг маълумотларига кўра, зилзила эпицентри Камчатканинг шарқий қирғоғидан тахминан 136 километр узоқликда, 19,3 километр чуқурликда бўлган.
