Ўзбекистон Испаниянинг National Geographic Traveler Readers’ Awards нашри томонидан эълон қилинган танловнинг «Энг яхши халқаро йўналиш» номинациясида асосий мукофотга даъвогарлардан бири бўлиб турибди.
«Дунё» хабарига кўра, овоз бериш нашр веб-сайтида 2024 йил 18 январдан 11 февралгача 15 йўналишда бўлиб ўтади. Овоз беришнинг якуний натижалари 18 апрель куни журналнинг май ойидаги сонида, шунингдек, National Geographic Viajes веб-сайтида эълон қилинади.
Жараён давомида Ўзбекистонга овоз бериш мумкин. Мазкур номинацияга Ўзбекистондан ташқари Миср, Колумбия, Марокаш ва Перу даъвогарлик қилмоқда.
