«Пахтакор» клуби жамоа тарбияланувчиси саналмиш 22 ёшли футболчининг ижара асосида қайтганини эълон қилди. Москванинг «Торпедо» клуби Эркиновни Тошкент жамоасига бир йиллик ижарага берган.
Ҳожимат «шерлар» сафида Суперлигада жами 37 ўйинда 6 гол, ОЧЛда эса 13 баҳсда 2 гол муаллифига айланган. У 2022 йилда Россия клубига трансфер қилинганди.
«Мени тарбиялаган қадрдон жамоам «Пахтакор»га қайтганимдан хурсандман. Суперлиганинг 2-даврасида чемпионлик анъанасини давом эттиришда ёрдам беришни хоҳлайман», - дейди футболчи.
Маълумот учун, Ҳожимат якунланган мавсум РПЛдаги 20 ўйинда битта ассистга муаллифлик қилди. «Торпедо» эса 13 очко билан сўнгги 16-ўринни эгаллаб, Россия Премьер-лигасини тарк этганди.
