Ҳужжат Вазирлар Маҳкамасининг 10.02.2021 йилдаги «Лотин ёзувига асосланган ўзбек алифбосига босқичма-босқич тўлиқ ўтишни таъминлаш чора-тадбирлари тўғрисида»ги 61-сон қарори билан тасдиқланган «Йўл харитаси»нинг ижросини таъминлаш мақсадида тайёрланди.
Норматив-ҳуқуқий ҳужжатлар лойиҳаларини лингвистик экспертизадан ўтказиш тартиби тўғрисидаги низом лойиҳасида қуйидагилар назарда тутилган:
- лойиҳани лингвистик экспертизадан ўтказишнинг асосий мақсади ва вазифалари;
- лингвистик экспертизага қўйиладиган асосий талаблар;
- экспертиза ўтказиш тартиби;
- экспертнинг ҳуқуқ ва мажбуриятлари.
НҲҲлар лойиҳаларининг лингвистик экспертизаси лойиҳа матни давлат тили қоида ва талабларига мувофиқлигини текшириш мақсадида ишлаб чиқувчи томонидан ёки жалб этилган экспертлар томонидан ўтказилади.
2023 йил 1 январдан бошлаб НҲҲларнинг лойиҳалари лингвистик экспертизадан ўтказилганидан сўнг жамоатчилик муҳокамасидан ўтказиш учун жойлаштирилади.
