«Биз Грузияданмиз, Россия эса бизнинг юртни оккупция қилган», – дея ёзилган «Торпедо» клуби футболкасида.
«Локомотив» ва «Рустави» эса ўзаро ўйинга оқ футболкаларда чиқишди.
Футболчилар бу орқали мамлакатда бўлиб ўтаётган Россияга қарши митингларни қўллаб-қувватлашди.
20 июнь куни Тбилисида, Грузия парламенти биносида 7 минг киши иштирокида митинг бўлиб ўтди ва бу митинг тартибсизликларга уланиб кетди. Аҳолининг норозилигига Грузия парламентида Россия Думаси депутати Сергей Гавриловнинг чиқиш қилиши ва у спикер ўриндиғига ўтириб олгани сабаб бўлди.
Бу можаро давомида РФ президенти Владимир Путин Грузия билан авиақатновларни тўхтатди.
«Торпедо» ўз ўйинида «Сиони»ни 7:0 ҳисобида мағлуб этди, «Локомотив» ва «Рустави» учрашувида дуранг ҳисоб қайд этилди – 1:1.
