Бразиллар ўйиннинг 32-дақиқасида Лукас Пакетанинг голидан кейин ҳисобни очди, унга бу вазиятда Каземиро ассистентлик қилди. Панамаликлар эса 4 дақиқа ўтибоқ жавоб қайтаришди, Адольфо Мачадо Эрик Дэвиснинг пасини кучли зарба билан голга айлантирди.
Шу тариқа, Бразилиянинг Марказий Америка вакилига қарши ўйинларда 9 учрашув давом этган ғалабали серияси якунланди. Бу ўйинларда бразилияликлар битта ҳам гол ўтказмаган ҳолда 24:0 ҳисобидаги тўплар нисбати устунлигини қайд этишганди. Панама Бразилияга ютқазмаган Марказий Американинг бешинчи вакили бўлди.
Бразиллар Марказий Америка вакилларига қарши жами 28 ўйин ўтказиб, 23 ғалаба, 3 дуранг ва 2 мағлубият қайд этган. Пентакампионлар охирги марта 2001 йилда марказий америкаликларни мағлуб этолмаганди, ўшанда бразилияликлар Ҳондурасга имкониятни бой бериб қўйишган (0:2).
Бразилия терма жамоаси «глобал тур»ни давом эттиради. Кейинги ўйин 26 март куни Прагада Чехияга қарши ўтказилади.
Ўртоқлик учрашуви
Порту, Португалия
Бразилия – Панама 1:1 (1:1, 0:0)
Голлар: 1:0 – 32 Лукас Пакета, 1:1 – 36 Мачадо.
Бразилия – Эдерсон, Фагнер, Миранда, Теллес, Эдер Милитао, Артур (Фелипе Андерсон, 72), Лукас Пакета (Эвертон, 60), Коутиньо, Каземиро, Ришарлисон, Фирмино (Габриэл Жезус, 60).
Панама – Мехия, Мачадо, Мурильо (Блэкмэн, 85), Эскобар, Дэвис, Купер (Walker, 82), Родригес (Арройо, 89), Кинтеро (Браун, 85), Годой (Варгас, 90), Каммингз, Торрес (Фахардо, 74).
Огоҳлантиришлар: Каммингз (26), Ришарлисон (35), Мехия (73).
