ЙТҲ маҳаллий вақт билан соат 9:00 да Кампонгсаом провинциясида рўй берган. Дастлабки маълумотларга кўра, шаҳзоданинг автомобилига қарама-қарши йўналишда ҳаракатланаётган такси келиб урилган. Ундаги 5 нафар йўловчи турли жароҳатлар олган.
"Шаҳзоданинг турмуш ўртоғи оғир жароҳатлар туфайли соат 12:23 да ҳаётдан кўз юмди", - дея маълум қилди провинция полицияси вакили Чун Нарин. Унинг сўзларига кўра, 74 ёшли шаҳзода Пномпен шифохонасига етказилган.
Таъкидлаш жоизки, бу Камбожа қироллик оиласи вакиллари иштирокидаги биринчи ЙТҲ эмас. 2015 йилда шаҳзоданинг кортежи юк машинасига урилиши натижасида 6 киши жабрланганди.
Архив фото: AFP/ Philippe Lopez
