Ҳисоботга мувофиқ, жорий йилнинг дастлабки беш ойида мамлакатда таълим соҳасида кўрсатилган хизматлар ҳажми 18,8 триллион сўмни ташкил этган. Бу ўтган йилнинг шу даврига нисбатан 21 фоизга кўпдир.
Таълим хизматлари таркибида олий таълим соҳаси 44,7 фоиз улуш билан етакчилик қилди. Бу мазкур йўналиш таълим хизматлари бозорида энг катта сегмент бўлиб қолаётганини кўрсатади.
Ҳудудлар кесимида энг юқори кўрсаткич Тошкент шаҳрида қайд этилди. Пойтахтда таълим хизматлари ҳажми 9,7 триллион сўмга етган.
Кейинги ўринларни Самарқанд вилояти (1,3 триллион сўм) ва Фарғона вилояти (1,1 триллион сўм) эгаллади.
Шунингдек, Андижон вилоятида таълим хизматлари ҳажми 918,9 миллиард сўм, Тошкент вилоятида 908,4 миллиард сўм, Наманган вилоятида 901,3 миллиард сўмни ташкил этган.
Бухоро вилоятида ушбу кўрсаткич 799 миллиард сўм, Қашқадарё вилоятида 782,2 миллиард сўм, Хоразм вилоятида 578,9 миллиард сўм, Сурхондарё вилоятида 577,5 миллиард сўм, Қорақалпоғистон Республикасида 533,2 миллиард сўмга етган.
Энг паст кўрсаткичлар Жиззах вилояти (279,9 миллиард сўм), Навоий вилояти (244,4 миллиард сўм) ва Сирдарё вилояти (192,1 миллиард сўм) ҳиссасига тўғри келган.
