Кармана туманида алиментдан қочиб юрган эркак тандир ичига яширинишига уринди. Бу ҳақда Kun.uz’га МИБ ахборот хизмати раҳбари Фаррух Тошпўлатов хабар берди.
Маълум бўлишича, фуқаро Б.А. 2 йилдан буён алимент тўламасдан қочиб юрган. Унинг алиментдан қарздорлиги 71 млн сўмга етган. Мажбурий ижро бюроси ходимлари томонидан олиб борилган қидирув тадбирлари натижасида эркак ошхоналардан биридаги тандир ичидан топилган.
Суд қарори билан қарздор отага нисбатан 15 сутка маъмурий қамоқ жазоси тайинланган.
Фото: Видеодан кадр
Аввалроқ Самарқандда отасини таъминлашдан бўйин товлаган ўғил 15 суткага қамалганди.
