Эндиликда фуқаролар Давлат хизматлари марказларига ҳайдовчилик гувоҳномаларини янгисига алмаштириш учун дам олиш кунлари (шанба ва якшанба) соат 9:00 дан 15:00 гача мурожаат қилишлари мумкин.
Ҳозирда Тошкент шаҳрининг Мирзо Улуғбек, Миробод, Учтепа, Шайхонтоҳур, Олмазор, Юнусобод, Чилонзор, Яшнобод, Яккасарой ҳамда Сергели туманларидаги давлат хизматлари марказлари орқали эски ҳайдовчилик гувоҳномасини янги намунадаги ҳайдовчилик гувоҳномасига алмаштириш мумкин.
Ҳукумат қарорига кўра, автомототранспорт воситаси рўйхатдан ўтказилганлиги тўғрисидаги гувоҳномалар 2022 йил 1 январдан бошлаб ҳақиқий эмас деб ҳисобланади.
