Грин кун давомида юрак уриш частотасини кузатувчи ва у меъёрдан юқори бўлса, соат эгасини огоҳлантирувчи Heart Watch номли мобил дастурдан фойдаланган. Пульснинг меъёрдан тезлашиши юрак ёки қон томирлари фаолиятидаги жиддий муаммоларга ишора бўлиши мумкин. Бугунги кунда мазкур функция watchOS 4 версияли Apple Watch соатларининг барчасида мавжуд.
Жеймс тавсияга амал қилиб, клиникага борди ва у ерда унга ўпка артерияси тромбоэмболияси ташхиси қўйилди. Даволаш курсидан кейин Грин ўзини яхши ҳис қилмоқда ва ўзининг Twitter блогида миннатдорчилик сўзларини изҳор қилди.
"Қўлимдаги икки йил аввал харид қилган қандайдир бир кичик компьютер ҳаётимни қутқариши мумкинлиги ҳақида ҳеч ўйламагандим", - деб ёзади у Twitter'да.
