“Буюк Турон” маҳалласи ҳудудида тирбандликларнинг олдини олиш ва мактаб ўқувчилари хавфсизлигини таъминлаш мақсадида туман ҳокимининг қарори қабул қилинди.
Янги тартибга кўра, Ниёзбек йўлининг 43-мактаб ҳудудига туташ қисмида бир томонлама ҳаракат жорий этилди. Эндиликда транспорт воситалари Чингиз Айтматов кўчасидан Амир Темур шоҳкўчаси томон ҳаракатланади.
Шунингдек, ушбу кўчага чиқиш тартиби ҳам ўзгартирилди: Ниёзбек йўлига Амир Темур шоҳкўчаси томонидан ушбу кўчанинг учинчи йўлаги орқали кириш мумкин (мўлжал - «PAUL»).
Ҳайдовчиларга киритилган ўзгаришларни инобатга олиш, янги йўл белгиларига амал қилиш ва янгиланган ҳаракат схемасига қатъий риоя қилиш тавсия этилмоқда.
