Хитойнинг TPV Technology Group компанияси дунёдаги илк икки томонлама экранга эга телевизорни тақдим этди. Бу ҳақда TechRadar нашри хабар берди.
Хабарга кўра, GP TV телевизорининг ҳар икки тарафида 48 дюймли экран жойлашган. Дисплейлар 4К аниқликка эга OLED матрицаси билан жиҳозланган. Модел Dolby Atmos технологиясини қўллаб-қувватлайди.
Компаниядагиларнинг таъкидлашича, GP TV бир вақтнинг ўзида бир неча фойдаланувчи, масалан, геймерлар фойдаланиши учун мўлжалланган.
GP TV нархи ва сотувга чиқиш муддати ҳозирча маълум қилинмади.
