Тошкент вилоятининг Ўрта Чирчиқ туманидаги метан заправкада «Жигули»да ёнғин чиқди. Ҳолат акс этган видео ижтимоий тармоқларда тарқалди.
Вилоят ИИББ матбуот хизматининг маълум қилишича, ёнғин 13 январ куни соат тахминан 22:00 ларда Ўрта Чирчиқ туманида жойлашган газ қуйиш шохобчасида 1999 йилда туғилган фуқаро Г.К. га тегишли бўлган «Ваз2107» русумли транспорт воситасига газ қуйиш вақтида келиб чиққан.
Натижада автомобил қисман ёнган. Ушбу ёнғин натижасида фуқаролар соғлиғига зиён етмаган.
