Ушбу муҳим жараёнга масъул партиямиз фаоллари имзо тўплаш тадбирлари юртдошларимизнинг ижтимоий-сиёсий онг-тафаккури янада юксалгани, мамлакатимиз истиқболига дахлдор жараёнларга бефарқ эмаслиги, шунингдек, партиямиз нуфузи тобора ошаётганини кўрсатаётганини алоҳида қайд этмоқдалар. Аҳолининг барча қатламлари вакиллари ўз ихтиёри билан, кўтаринки кайфиятда, энг муҳими, зиммаларидаги бурч ва масъулиятни чуқур англаган ҳолда номзоднинг сайловда иштирок этишига хайрихоҳлик билдирмоқдалар.
Имзо йиғиш билан боғлиқ барча тадбирлар қонунчиликда белгиланган меъёрларга қатъий риоя этилган тарзда ўтказиляпти. Ушбу жараён республикамизнинг барча ҳудудларида қизғин давом этмоқда.
O‘zLiDeP матбуот хизмати
