28 ноябрь куни Тошкент шаҳар Мирзо Улуғбек тумани Олтинпета кўчасида яшовчи 12 ёшли қиз яшаш ҳовлисидаги дарахтга ўзини осиб, жонига қасд қилган. Бу ҳақда Бош прокуратура матбуот хизмати Kun.uz'га маълум қилди.
Суд-тиббий экспертизаси дастлабки маълумотига кўра, ўлим “бўйин аъзоларининг сиртмоқ билан тиқилишидан келиб чиққан механик асфиксия”дан юз берган.
Маълум қилинишича, бола Мирзо Улуғбек туманидаги 241-мактабда ўқиган.
Туман прокуратураси терговга қадар текширув бошлаган.
— The author's opinion may not reflect the editorial position.
— The editorial team is open to publishing other perspectives on this topic
