Ўзбекистон Евроиттифоқ ва Кореядан 40 тагача поезд ва 100 та вагон харид қилиши мумкин

«Ўзбекистон темир йўллари» бошқарув раиси в.б. Х.Ҳосилов бошчилигидаги делегация Берлин шаҳрида ўз ишини бошлаган InnoTrans 2022 транспорт технологиялари халқаро савдо ярмаркасига ташриф буюрди.

Тадбирда қатнашаётган делегация аъзолари Франциянинг Alstom, Германиянинг Siemens, Испаниянинг SAF, Швейцариянинг Stadler, Чехиянинг Skoda, Жанубий Кореянинг Hyundai каби компаниялари билан янги электропоездлар ҳамда замонавий йўловчи вагонларни харид қилиш бўйича қизғин музокаралар олиб бормоқда.

Учрашувлар натижасига кўра, республика барча вилоятлари орқали тўлақонли темирйўл қатновларини таъминлаш учун 34 та электропоезд, 6 та дизел поезди ҳамда камида 100 та янги замонавий турдаги йўловчи вагонларни харид қилиш мўлжалланган.