Суриянинг Cham Wings авиакомпанияси Минскка парвозларни тўхтатишини эълон қилди.
«Беларусь-Польша чегарасидаги оғир вазиятни ва Минскка учаётган аксарият йўловчиларнинг сурияликлар эканлиги ҳамда уларнинг сўнгги манзили Беларуслигини аниқлаш қийинлигини ҳисобга олиб парвозларни зудлик билан тўхтатамиз», — дейилади авиакомпания хабарида.
Аввалроқ Туркиянинг Turkish Airlines авиакомпанияси Минскка рейсларига Ироқ, Сурия ва Яман фуқароларини олмаслигини маълум қилганди.
Шунингдек, Ироқнинг Iraqi Airways миллий авиакомпанияси Минскка парвозларни тикламасликка қарор қилди.
