Компаниянинг Nasdaq биржасидаги акциялари нархи 9,4 фоизга арзонлашиб, 143,07 долларни ташкил қилган.
Аввалроқ компания раҳбари Тим Кук инвесторларга мактубида iPhone’лар сотилиши суръати секинлашиши кутилаётгани ҳақида маълум қилган. У бунинг асосий сабаби сифатида АҚШ ва Хитой ўртасидаги савдо урушини кўрсатган. Кукнинг мактубида, шунингдек, Apple охирги чоракда 84 млрд долларлик тушум кутаётгани айтилган. Ваҳоланки, 2 ой аввал компания бу қиймат 89 млрд доллардан 93 млрд долларгачани ташкил қилишини прогноз қилганди.
