Уч нафар террорчидан иборат гуруҳ Хитой дипломатик миссияси ёнида отишма келтириб чиқарди ва гранатани портлатди, деб хабар бермоқда РИА Новости. Консуллик ходимларининг ҳеч бири зарар кўрмади. Уларнинг барчаси хавфсиз жойда.
«Белужистон озодлик армияси» айирмачилик гуруҳи ҳужум учун масъулиятни ўз зиммасига олди. Бу Покистон жанубидаги энг кучли гуруҳлардан биридир. Маҳаллий матбуот маълумотига кўра. 1980-йилларда «Белужистон озодлик армияси» сўл кайфиятдаги талабаларни бирлаштирган. Сўнг ташкилот радикал миллатчиларнинг таъсирига тушиб қолган. Шунингдек, Исломободнинг сиёсатидан норози бўлган белужлар қабилалари етакчилари ҳам гуруҳни қўллаб-қувватлайди.
