Kattaqo‘rg‘on tumanida 20 yashar bosqinchi qo‘lga olindi

Samarqand viloyatining Kattaqo‘rg‘on tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 13 aprel kuni soat 01.30larda noma'lum shaxs yuziga mato o‘rab tayoq bilan qurollanib, “Qilich” qishlog‘ida yashovchi, 1980 y.t. F.K.ning uyiga bostirib kirib, uni  va ikki nafar farzandini qo‘rqitib, F.K.ga tan jarohati yetkazib, zargarlik buyumlarini olib voqea joyidan yashiringan. 

Ko‘rilgan choralar natijasida ushbu jinoyatni Kattaqo‘rg‘on tumani “Uzunbo‘z” qishlog‘ida yashovchi, 1998 y.t. J.N. sodir etganligi aniqlanib ushlangan.