«Подполковник Арно Бельтрам ҳаётдан кўз юмди... Франция унинг қаҳрамонлиги, жасурлиги ва ўзини қурбон келтирганини ҳеч қачон унутмайди», - дея ёзди Коллон.
Аввалроқ, БМТ бош котиби Антониу Гутерреш ҳам франциялик полициячиларни терактдаги ҳаракатлари учун мақтаганди.
Эслатиб ўтамиз, Франциянинг Треб коммунасида жойлашган супермаркетда жума, 23 март куни одамлар гаровга олинди, Салоҳ Абдусаломни озод этиш талаби қўйилди. Теракт натижасида уч киши ҳалок бўлди, яна 16 инсон жароҳатланди. Террорчи ҳужум вақтида йўқ қилинди.
