Кузатув камерасида қайд қилинишича, эркак йўлдаги чапга бурилиш белгисини шундай тарзда ўзгартирганки, у тўғрига ва чапга юришга рухсат берувчи кўринишга келган. Кейинроқ қоидабузарнинг ўзи бу қилмишини уч полосали йўлда тўғрига юришга рухсат берувчи 2 та полоса камлик қилиши, шу сабабли чорраҳада мунтазам тирбандлик ҳосил бўлиши билан тушунтирган.
Эркакнинг айтишича, автомобилларга тўғрига юришга рухсат берувчи полосалар ҳамиша тирбанд бўлган вақтда, чапга бурилишга рухсат берувчи 3-полоса деярли ҳар доим бўш бўлган. Айни вақтда йўл белгилари дастлабки ҳолатига қайтарилган.
