Терговчиларнинг фикрича, Оқилов ичимлик етказишга мўлжалланган юк машинасини ўғирлаб, 7 апрель куни уни Стокҳольм марказидаги одамлар устига ҳайдаб борган. Суд баёнотида айтилишича, Оқилов прокурорларнинг ҳибсда сақланиш муддатини узайтириш бўйича талабига қарши чиқмаган. У терроризмда гумонланмоқда.
Эслатиб ўтамиз, 2017 йилнинг 14 апрель куни расмий Тошкент Стокҳольмдаги терактни содир этган Раҳмат Оқилов ИШИД аъзоси бўлганини тасдиқлади. Бу ҳақда Ўзбекистон ТИВ раҳбари Абдулазиз Комилов журналистлар билан учрашув вақтида маълумот берган.
