Бу ҳақда сиёсатчи халқаро муносабатлар бўйича Чикаго кенгашида қилган маърузасида сўз юритган. Шу билан бирга, Керри муаммони ҳал қилиш чораси топилишига умид билдирган.
«Ишонаманки, алалоқибат, Иккинчи жаҳон урушидан кейинги энг оғир гуманитар инқирознинг ечимини топамиз. Уни қочқинларга пул бериш билан ҳал этиб бўлмайди», — дея таъкидлаган Керри.
Керри, шунингдек, «қочқинлар оқимини тўхтатиш лозимлигини, урушга нуқта қўйиш кераклигини» қўшимча қилган.
«Бу мен дуч келаётган энг мураккаб дипломатик вазифадир», — дея хулоса қилган Керри.
Аввалроқ, Жон Керри, Сурия можаросини Россия ва Эрон иштирокисиз ҳал этиб бўлмаслигини айтганди.
