Ҳолат юзасидан бошқарма таҳлилий лабораторияси мутахассислари томонидан канал сувидан белгиланган тартибда намуналар олиниб, лаборатория таҳлилига юборилган. Таҳлил натижалари ҳамда ўрганиш якунларига кўра, атроф-муҳитни муҳофаза қилиш талабларига риоя этилмагани юзасидан қонунчиликда белгиланган тартибда тегишли чоралар кўрилади. Қўшимча маълумотлар ўрганиш ишлари якунига кўра тақдим этилади.
Эслатиб ўтамиз, 3 июл куни Яккасарой туманидаги қурилиш объектида канализация тармоғида содир бўлган техник носозлик оқибатида диаметри 1 800 мм бўлган қувурга жиддий шикаст етганди. Натижада сув тошиб, ер қопламаси қисман чўкиши ва ўпирилиши рўй берган.
