Қамчиқ довонида юк машинаси ағдарилиб кетди. Бу ҳақда ФВВ ахборот хизмати хабар берди.
Маълум қилинишича, ҳодиса 14 июн куни соат 4:20 ларда содир бўлган. Ҳайдовчи бошқарувни йўқотиши оқибатида юк машинаси ён томонга ағдарилиб кетган.
Ҳодисада ҳеч ким жароҳатланмаган, қурбонлар йўқ. Фақат автомобилга ортилган барча юклар йўлга сочилиб кетган.
ФВВнинг Қамчиқ махсус қидирув бошқармаси қутқарувчилари етиб бориб, ЙТҲ оқибатларини бартараф этишган.
Аввалроқ Қамчиқ довонида Spark жарликка тушиб кетганди.
