Қайд этилишича, 25–31 май кунлари Uzbekistan Airways, Silk Avia ва Centrum Air авиакомпаниялари томонидан Тошкентдан Бухоро, Термиз, Урганч ва Нукусга бориш-қайтиш йўналишида жами 28 та қўшимча авиарейс амалга оширилади.
Вазирликка кўра, қўшимча қатновлар орқали 8988 нафар йўловчини ўз манзилига етказиш режалаштирилган.
Ҳозирда амалдаги жадвал асосида Тошкент-Бухоро йўналишида ҳафтасига 23 та, Тошкент-Термиз йўналишида 23 та, Тошкент-Урганч йўналишида 35 та ҳамда Тошкент-Нукус йўналишида 16 та рейс бажарилмоқда. Умумий қатновлар сони ҳафтасига 97 тани ташкил этади.
Шунингдек, ЙҲХХ ахборот хизматига кўра, Тошкентдан Сирдарё орқали воҳа вилоятларига қатновчи автобус йўналишларига қўшимча яна 55 та рейс йўлга қўйилган.
Маълумот учун, Ўзбекистонда Қурбон ҳайити 27 май куни нишонланади.
