Энергетика соҳаси мутасаддилари маълум қилишича, ушбу қарор «Ўзгидромет» томонидан тақдим этилган об-ҳаво прогнозлари асосида қабул қилинган. Унга кўра, март ойининг дастлабки ўн беш кунида мазкур ҳудудларда ҳаво ҳароратининг меъёрдан паст бўлиши кутилаётгани қайд этилган.
Аҳолини қўллаб-қувватлаш, уй-жойларни барқарор иситиш имкониятини таъминлаш ҳамда қўшимча молиявий юкламани юмшатиш мақсадида президент топшириғига мувофиқ, Вазирлар Маҳкамаси томонидан тегишли қарор қабул қилинган.
Маълумки, иситиш мавсуми даврида белгиланган базавий меъёр доирасида истеъмол қилинган табиий газ учун тўловлар амалдаги тарифлар бўйича ҳисобланади. Мазкур меъёрдан ортиқча сарфланган ҳажм эса белгиланган тартибда юқори тариф асосида тўланади. Шу боис, базавий меъёрнинг узайтирилиши аҳоли учун қўшимча енгиллик яратади.
Мутахассислар аҳолини хавфсизлик қоидаларига қатъий риоя қилиш, газ жиҳозларидан тўғри ва тежамкор фойдаланишга чақирмоқда.
