Ҳужжатга мувофиқ, касбий таълим ташкилотларини комплекс давлат аккредитациясидан ўтказиш жараёнида 7 та йўналиш доирасида 37 та мезон бўйича жами 203 та индикатор қўлланади. 

Шундан:

  • 12 та (5,9 фоиз) мажбурий индикатор;
  • 191 та (94,1 фоиз) умумий индикатор белгиланган бўлиб, улар «мувофиқ» ёки «мувофиқ эмас» тарзида баҳоланади. 

Баҳолаш тартибига кўра:

  • индикаторларнинг 50 фоизгача қисми «мувофиқ» бўлса — мезон «мувофиқ эмас»;
  • 50 фоиз–60 фоиз бўлса — мезон «қисман мувофиқ»;
  • 60 фоиз ва ундан юқори бўлса — мезон «мувофиқ» деб топилади. 

Қайд этилишича, мажбурий индикатор «мувофиқ эмас» деб баҳоланса, умумий натижадан қатъи назар, тегишли мезон ҳам «мувофиқ эмас» деб топилади.