Маълумотларга кўра, 2024 йилда Жиноят кодексининг 270-моддаси билан 1 875 нафар шахс судланган. Улардан 258 нафарига озодликдан маҳрум қилиш жазоси тайинланган, 1 617 нафари эса озодликдан маҳрум қилиш билан боғлиқ бўлмаган жазоларга (жарима, ахлоқ тузатиш ишлари, озодликни чеклаш, шартли ҳукм ва бошқалар) тортилган. Шунингдек, 8 нафар шахсга нисбатан тиббий йўсиндаги мажбурлов чоралари қўлланилган.
2025 йилнинг 11 ойи мобайнида мазкур модда бўйича 1 748 нафар шахс судланган. Уларнинг 191 нафари озодликдан маҳрум қилинган, 1 557 нафарига эса озодликдан маҳрум қилиш билан боғлиқ бўлмаган жазолар (жарима, мажбурий жамоат ишлари, ахлоқ тузатиш ишлари, озодликни чеклаш, шартли ҳукм) тайинланган. Тиббий йўсиндаги мажбурлов чоралари 4 нафар шахсга нисбатан қўлланган.
Солиштирма кўрсаткичлар:
- судланганлар умумий сони 127 нафарга камайган (1 875 → 1 748);
- озодликдан маҳрум қилинганлар сони 67 нафарга қисқарган (258 → 191);
- қамоқ жазоси улуши 13,8 фоиздан 10,9 фоизга тушган (−2,8 фоиз ф.п.).
