Huawei ва Samsung ортидан Xiaomi корпорацияси ҳам уч букланадиган смартфонини тақдим этади. Бу ҳақда XiaomiTime блогида маълум қилинди.
Блогда айтилишича, GSMA маълумотлар базасида 2608BPX34C коди остидаги Xiaomi қурилмаси пайдо бўлган. Инсайдерларнинг сўзларига кўра, ушбу рақам остида уч букланадиган смартфон яширинган.
У GSMA базасида 2 декабрда — Samsung ўзининг уч букланадиган Galaxy Z TriFold смартфонини тақдим этган куни пайдо бўлган.
Қурилма MIX Trifold номини олиши мумкин.
Смартфон мустаҳкам корпусга эга бўлиши ва Snapdragon 8 Elite процессорида ишлаши айтилмоқда.
Қайд этилишича, Xiaomi MIX Trifold 2026 йилнинг учинчи чорагида сотувга чиқади.
