Вилоят ЙҲХБ қайд этишича, ҳолат 2025 йилнинг 16 октябр куни соат 8:10 ларда Ёзёвон туманида Мустақиллик ва Андижон кўчалари кесишган чорраҳасида содир бўлган. Унда орқага қайрилмоқчи бўлган Sparkʼка Lacetti автомобили келиб урилган.
Шундан сўнг, Lacetti ҳайдовчиси бошқарувни йўқотиб, йўл четида турган 1991 йилда туғилган пиёдани ҳам уриб юборган. Фуқаро тан жароҳати олиб, шифохонага юборилган.
Ҳолат юзасидан терговга қадар текширув ҳаракатлари олиб борилмоқда.
