Сергелида 2 та Matiz тўқнашувида уч киши жароҳатланди

Жорий йилнинг 12 октябр куни  соат 16:05 ларда Сергели тумани Файзли Тошкент кўчасида йўл-транспорт ҳодисаси юз берди.

Тошкент шаҳар ИИББ ЙҲХБ хабарига кўра, 2 та Matiz русумли автомашиналари тўқнашиши натижасида йўл транспорт ҳодисаси содир бўлган.

ЙТҲ натижасида 3 нафар ЙТҲ иштирокчиларига шифокорлар томонидан биринчи тез тиббий ёрдам кўрсатилган.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.