Instagram реклама кўрсатиш учун фойдаланувчиларнинг микрофонларини ёқиб, уларни хуфёна тингламайди, деди компания раҳбари Адам Моссери. Унинг сўзларига кўра, бундай миш-мишлар ҳақиқатга тўғри келмайди ва сунъий интеллектдан фойдаланиш ҳисобга олинса, бунга энди ҳеч қандай эҳтиёж йўқ.
Моссерининг таъкидлашича, кўпчилик одамлар реклама тавсияларининг аниқлигидан ҳайратда қолади, баъзида Meta (Facebook, Instagram ва WhatsApp эгаси) «фикрларни ўқийди» деб ҳисоблайди. Илгари компания бир неча бор суҳбатларни хуфёна тингламаслигини тушунтирган, чунки бу махфийликка путур етказади ва фойдаланувчилар микрофон ёқилганини ёки батарея қуввати тез пасайганини пайқайди.
Мета (Facebook, Instagram, WhatsApp) рекламаларни кўрсатиш учун фойдаланувчиларнинг микрофонларини яширинча тинглаётганига ҳеч қандай далил йўқ.
Киберхавфсизлик бўйича экспертлар ва мустақил тадқиқотлар ҳозирча доимий яширин тинглашнинг техник далилларини топмади. Бунинг учун жуда катта ресурслар (серверлар, трафик, аудиони қайта ишлаш) керак бўлади, буни яшириш деярли иложсиз.
Реклама алгоритмлари кўплаб бошқа манбалардан фойдаланади: қидирув сўровлари, браузер тарихи, лайклар, дўстлар, жойлашув, харидлар, ҳатто контактларингизнинг «рақамли излари».
