Швециялик спортчи Арман Дюплантис лангарчўп билан сакрашда жаҳон рекордини яна бир марта янгилади.
Бу сафар Токиода бўлиб ўтган енгил атлетика бўйича жаҳон чемпионатида у 6 м 30 см баландликка сакради. Натижада учинчи марта жаҳон чемпиони бўлди.
Айтиш жоизки, 25 ёшли Дюплантис бир ойдан сал кўпроқ вақт олдин ўрнатган ўз рекордини 1 см га янгилади.
Дюплантис илк бор 2020 йил февралида лангарчўпда сакраш бўйича жаҳон рекордини ўрнатган, ўтган вақт мобайнида ўз рекордини уч бор янгилаган. У Токио ва Парижда ўтган охирги Олимпиадаларда чемпион бўлган, шунингдек, уч карра жаҳон чемпиони ҳамда уч карра Европа чемпиони саналади.
