AQSh 2018 yildan beri Eronga qarshi eng ko‘p sonli sanksiyalar kiritdi

AQSh 50 dan ortiq Eron jismoniy shaxsi va shirkati, shuningdek, neft savdosi bilan shug‘ullangan 50 dan ortiq kemalarga nisbatan sanksiyalar kiritdi. Bu haqda 30 iyul, chorshanba kuni AQSh Moliya vazirligi ma’lum qildi.

Idora boshlig‘i Skott Bessentning so‘zlariga ko‘ra, bu 2018 yildan beri Eronga qarshi joriy etilgan eng ko‘p yangi cheklovlardir. Sanksiya zarbasi Tehrondagi «rejim elitasi»ga qaratilgan, deya qo‘shimcha qildi amerikalik rasmiy.

AQSh Davlat departamenti, o‘z navbatida, Eron nefti va neft mahsulotlari savdosi bilan shug‘ullanuvchi 20 kompaniyaga nisbatan cheklov choralarini e’lon qildi. Xususan, bu portlardan birining Xitoy operatoriga, shuningdek, Hindiston, BAA va Turkiya korporatsiyalariga tegishli. Bundan tashqari, 10 ta kemaga nisbatan sanksiyalar joriy etildi, deya xabar beradi dpa agentligi.

Avvalroq, 28 iyul kuni AQSh prezidenti Donald Tramp, agar Tehron ishini tiklashga urinsa, Eronning yadroviy inshootlariga yana zarba yo‘llashga va’da bergan edi.