Durov muvaffaqiyatli kompaniya tashkil qilishning asosiy shartini aytdi

Kompaniya tashkil qilish va loyihalarni boshqarishda asosiy mahorat matematika bilimidir, dedi Telegram asoschisi Pavel Durov.

U hayotda nimaga e’tibor qaratishni tanlayotgan talabalarga shunday maslahat berdi. Durov tushuntirganidek, matematika «doimiy ravishda miyaga tayanishni» va «mantiqiy fikrlashni», shuningdek, «muammolarni guruhlarga bo‘lish va ularni bosqichma-bosqich to‘g‘ri tartibda hal qilishni» o‘rgatadi.

«Bu sizga kompaniya tashkil qilish va loyihalarni boshqarish uchun kerak bo‘ladigan asosiy mahorat», deb yozdi u Telegram-kanalida.

Avvalroq Durov «o‘z salohiyatini to‘liq ochib berish va aql ravshanligini saqlash»ni istaganlarga ba’zi narsalardan voz kechishni maslahat bergan edi. Uning ta’kidlashicha, muvaffaqiyatning siri shundaki, 20 yildan ortiq vaqt davomida spirtli ichimliklar, tamaki, qahva, tabletkalar va giyohvand moddalardan butunlay voz kechgan.