Илонга кўра, мия имплантлари ўрнатилган имконияти чекланган инсонлар «Optimus роботига масофадан туриб, фикр кучи ёрдамида» боғлана олади. Ушбу қадам мавжуд технологияларнинг давоми ҳисобланади: айни вақтда миясига чип ўрнатилган етти киши компютерни фикр кучи ёрдамида бошқармоқда, жумладан, улар матн териб, ўйинлар ўйнаяпти.
Узоқ муддатли истиқболда технология организм функцияларини тўлиқ тиклашга йўналтирилган. Имплантлар миядан келадиган электр сигналларини ўқиш ва уларни ташқи қурилмалар учун буйруқларга айлантириш орқали ишлайди.
Шунингдек, тадбирда имплантларнинг ўзини такомиллаштириш режалари ҳам эълон қилинди. 2026 йилга бориб компания 3000 та каналга эга чипларни, 2028 йилда эса 25 мингта каналли имплантларни тақдим этиш ниятида.
Аввалроқ Neuralink чипи ўрнатилган эркак бир ҳафтада фикр кучи орқали видеоўйин ўйнашни ўрганиб олгани тўғрисида хабар берилганди. Ноутбук қаршисидаги эркак худди экранга шунчаки тикилиб ўтиргандек кўриниши мумкин. Аммо эълон қилинган видеода курсор унинг фикр кучи ёрдамида ҳаракатланаётганини кўриш мумкин.
