Конго Демократик Республикасида тарқалган номаълум касаллик оддий мавсумий касалликлар, безгакнинг оғир шакли ва етарлича тўйиб овқатланмаслик сабаб келиб чиққан. Бу ҳақда Жаҳон соғлиқни сақлаш ташкилотининг (ЖССТ) ҳисоботида сўз боради.
Шу билан бирга, касаллик қўзғатувчилари АH1N1 грипп вируси ва SARS-CoV-2 коронавируси ҳисобланади.
27 декабр куни Конго Демократик Республикаси биотиббиёт тадқиқотлар миллий институти гап мураккаб коинфекция — битта ҳужайранинг бирданига бир неча вирус билан зарарланиши ҳақида кетаётганини маълум қилди. Африка давлатида кузда аниқланган касаллик қўзғатувчилар АH1N1 гриппи ва SARS-CoV-2 коронавирусининг вируслари ҳисобланади, улар безгак қўзғатувчилари билан биргаликда ўзаро таъсир кўрсатган.
Декабр бошларида ЖССТ Конгода 24 октябрдан бери 400 дан ортиқ инсонда номаълум вирус аниқлангани ва уларнинг 30 дан ортиғи вафот этгани тўғрисида хабар берганди. Касаллик тана ҳароратининг кўтарилиши, бош оғриғи, тумов, йўтал ва танадаги оғриқлар каби белгилар билан кузатилган. Касалликка чалинганларнинг асосий қисмини беш ёшгача бўлган болалар ташкил этган.
Аввалроқ Жаҳон соғлиқни сақлаш ташкилоти мамлакатга эпидемиологлар, лаборантлар, юқумли касалликлар профилактикаси ва назорати бўйича экспертлардан иборат мутахассисларини юборган эди.
