Қирғизистон ва Ўзбекистон икки давлат савдо-саноат палаталари қошида «Ишбилармонлар кенгаши»ни ташкил этиш ниятида. Бу ҳақда Қирғизистон президентининг Ўш вилоятидаги ваколатли вакилига таяниб 24.kg хабар берди.
Унга кўра, вилоят раҳбари Элчибек Жонтоев Ўзбекистоннинг Қирғизистондаги Фавқулодда ва мухтор элчиси Саидикомил Ниёзхўжаев билан учрашган.
Томонлар, шунингдек, саноат кооперацияси, трансчегаравий савдони ривожлантириш ва эркин иқтисодий зонани ташкил этиш, «бир тур – икки давлат» тамойили бўйича туризмни ривожлантириш, шунингдек, университетлар ва ёшлар ўртасидаги гуманитар ҳамкорлик масалаларини муҳокама қилдилар.
