Мулоқот аввалида хорижий томон Ўзбекистоннинг тўқимачилик саноатининг улкан салоҳияти ва пахта етиштиришдаги энг илғор ҳамда самарали амалиётлар билан таништирилди.
Томонлар ҳамкорлик истиқболлари, хусусан, Ўзбекистон тўқимачилик саноатида фаолият юритаётган йирик бизнес субъектлари ва тадбиркорларнинг Британия бозорларига ўз маҳсулотлари билан кириши билан боғлиқ масалалар хусусида фикр алмашдилар.
Британия Мода кенгаши раҳбариятига жорий йил 2-4 октябр кунлари Ўзбекистонда бўлиб ўтадиган креатив иқтисодиётга бағишланган халқаро конференцияда қатнашиш таклифи билдирилди.
Учрашув якунида Ўзбекистон кийим-кечак брендларининг Британия Мода кенгаши томонидан ташкил этиладиган тадбирларда қатнашиш масалаларини ишлаб чиқиш бўйича келишувга эришилди.
