Мисрда Ўзбекистон тарихи ва замонавий ривожланишига оид маълумотларни кенг тарғиб қилиш, тадқиқотлар ўтказиш билан боғлиқ масалалар мулоқотнинг асосий мавзуси бўлди.
Вафо Маҳмуд ўзининг илмий тадқиқот иши сифатида Шарқ мамлакатлари орасидан айнан Ўзбекистонни танлаб олганини айтди. Унинг маълум қилишича, мамлакатимизнинг бой мероси ва қадимий тарихи ҳақида «Ўзбекистон тарихи ва цивилизацияси. Қадимги даврдан ҳозирги кунгача» номли китоби нашр этилган. Унда Ўзбекистон тарихи, унинг минтақада тутган ўрни ва ҳозирги ривожланиш жараёнлари қамраб олинган.
Учрашувда Ўзбекистоннинг олий таълим муассасалари билан ҳамкорлик қилиш, ўзаро тадқиқотчи ва талабалар алмашувини йўлга қўйишдан икки томон ҳам манфаатдор бўлиши қайд этилди.
Бўлиб ўтган мулоқот якунида 2023 йилда Қоҳира университетида Ўзбекистон тарихи ва замонавий тараққиётига бағишланган илмий анжуман уюштиришга келишиб олинди.
