Вазирлар Маҳкамасининг “Ногиронлиги бўлган шахсларни ҳамда аҳоли ижтимоий ҳимояга муҳтож қатламларини қўллаб-қувватлашни янада кучайтириш қўшимча чора-тадбирлари тўғрисида”ги қарори лойиҳаси эълон қилинди.
Қарор лойиҳасида:
- президент фармони билан тасдиқланган ўзгалар парваришига муҳтож бўлган 18 ёшгача болалар касалликлари рўйхатига ўзгартириш ва қўшимчалар киритиш, парваришлаш нафақасига муҳтож бўлганларга парваришлаш нафақасини тайинлаш;
- республика тиббий-ижтимоий экспертиза инспекцияси вазифалари ва функцияларини кенгайтириш;
- 18 ёшгача бўлган шахсларни кўрикдан ўтказиш учун Республика бўйича янгидан 3 та педиатрия тиббий-ижтимоий эксперт комиссияларини ҳамда қўшимча 8 та туман ва туманлараро тиббий-ижтимоий эксперт комиссияларини ташкил этиш;
- тиббий-ижтимоий эксперт ва педиатрия тиббий-ижтимоий эксперт комиссияларига экспертизадан ўтиш учун бирламчи юбориладиган шахсларни динамик кузатувда бўлиш муддатларни қисқартириш;
- тиббий-ижтимоий эксперт ва педиатрия тиббий-ижтимоий эксперт комиссиялари моддий-техник базасини кучайтириш назарда тутилмоқда.
