Чуқур иқтисодий инқироз давом этаётган Шри-Ланкада ёнилғи етишмовчилиги сабабли барча таълим муассасалари ёпилди.
Ҳукумат «ёнилғи етишмовчилиги ва транспорт воситалари билан боғлиқ муаммолар» боис давлат хизматчиларига ишга вақтинчалик келмай туришни тавсия қилди.
16 май куни Шри-Ланка бош вазири Ранил Викремесингхе мамлакатда бир кунга етадиган бензин қолганини маълум қилганди.
Мамлакатда минглаб транспорт воситалари бир неча кундан буён ёнилғи қуйиш шохобчаларида навбатда турибди.
Аввалроқ Шри-Ланка ташқи қарзлар бўйича мажбуриятларини бажара олмагани учун дефолт эълон қилганди.
