Биринчи ҳосилда кўчат етиштирилган. Aбдубанно ота кўчат етиштиришнинг ўзидан 40 млн сўм даромад олган. Отахон иккинчи ҳосилга помидор, бодринг ва ловия етиштирмоқда.
Учинчисига эса тўлиқ помидор экмоқчи. Бунинг учун кўчатлар тайёр қилинган.
Aбдубанно ота гул етиштиришдан ҳам фойда олади. Томорқанинг кичик қисми айнан гул етиштиришга мўлжалланган.
«Октябр ойига бориб шу петунияни бошқа жойга оламиз. Қаламча қилиб октябр ойида тайёрласак, март ойига 3—6 минг сўмлик ҳолга тайёр бўлади», дейди отахон.
Қаҳрамонимиз меҳнат инсонни улуғлашини таъкидлайди. Унинг айтишича, меҳнат қилган одамга Аллоҳ барака беради.
