Qoʻshimcha funksionallar
-
Tungi ko‘rinish
Tanzila Norboyeva Gulnora Karimova haqida: «Ayolmi, erkakmi, jinoyat qilsa teng javob berishi kerak»
12 noyabr kuni o‘tkazilgan matbuot anjumanida mutasaddilar Gulnora Karimovaning koronavirusga chalingani, ahvoli og‘irlashgani yoki o‘z joniga qasd qilgani haqida tarqalgan xabarlar qanchalik haqiqat ekani haqidagi savolga javob berdi.
Xususan, Senat raisi Tanzila Norboyeva bu gaplarni “mish-mishlar” deb atadi.
“Bularning bari mish-mishlar, asoslanmagan faktlar”, dedi Tanzila Norboyeva. “O‘z joniga qasd qildi degan yoki boshqa noxush holatlar haqidagi gaplar asossiz. Gulnora Karimova sud tomonidan belgilangan jazo muddatini o‘tamoqda”, deya qo‘shimcha qildi IIV polkovnigi Umida Abdullayeva.
Tadbir O‘zbekiston Gender tenglikni ta'minlash masalalari bo‘yicha komissiyasining faoliyati, xotin-qizlarni qo‘llab-quvvatlash va ularga nisbatan zo‘ravonlikning oldini olish masalalari yuzasidan matbuot anjumani bo‘lgani tufayli Norboyeva shunday qo‘shimcha qildi:
“Ayol sifatida qanday baho deb so‘ralsa, hozir tenglik to‘g‘risida gapiryapmiz, ayolmi, erkakmi, jinoyat qilsa teng javob berishi kerak".
Avvalroq, ijtimoiy tarmoqlar va OAVda belgilangan jazo muddatini Zangiotadagi koloniyada o‘tkazayotgan Gulnora Karimovaning salomatligi yomonlashgani, u o‘pka yallig‘lanishi tashxisi bilan sanitariya qismiga yotqizilgani, koronavirusga chalingan bo‘lishi mumkinligi haqida xabarlar tarqalgan edi.
Mavzuga oid
21:24 / 03.12.2025
Tanzila Norboyeva Budapeshtda Vengriya prezidenti va Milliy Assambleyasi raisi bilan uchrashdi
19:12 / 24.11.2025
O‘zbekistonda ayollarga nisbatan raqamli zo‘ravonlikka barham berish bo‘yicha 16 kunlik kampaniya boshlandi
19:25 / 14.11.2025
Tanzila Norboyeva MDH Parlamentlararo Assambleya majlisida qator tashabbuslarni ilgari surdi
21:18 / 12.11.2025