Трампни АҚШда тартибсизликлар давом этаётган вақтда Виргиниядаги гольф-клубда кўришган. У бундан аввалроқ дам олиш кунлари гольф ўйнаш учун Нью-Жерси штатига режалаштирган сафарини бекор қилган. Ўшанда Трамп буни намойишлар давом этаётган Вашингтонда тартиб ҳақида қайғуриши билан тушунтирганди.
24 май куни ҳам Трамп АҚШда коронавирус пандемияси ҳали авжи нуқтада бўлган паллада гольф ўйнаган ва бунда ижтимоий масофалашувнинг бир қатор қоидаларини бузган. Гольф ўйинида қатнашганларнинг кўпчилигида ниқоблар бўлмаганидан ташқари, Трамп бошқа одамлар билан қўл бериб сўрашгани жамоатчилик танқидига сабаб бўлган.
Май охиридан бери АҚШнинг кўплаб шаҳарларида қора танли Жорж Флойд ўлимидан кейин полиция билан тўқнашувлар ва тартибсизликлар билан кечаётган оммавий норозиликлар давом этмоқда.
