Тошкент шаҳрининг Мирзо Улуғбек тумани Дўрмон йўлидан ўтган магистрал иссиқлик қувурини капитал таъмирлаш ишлари амалга оширилади. Бу ҳақда пойтахт ҳокимлиги хабар бермоқда.
Қайд этилишича, бу 2020-2021 йиллар куз-қиш мавсумига тайёргарлик кўриш ишлари дастури доирасида 19 июндан 5 июлга қадар рўй беради.
Шу муносабат билан Дўрмон йўли кўчасининг Зиёлилар ва Мирзо Улуғбек кўчалари кесишмаси оралиғидаги йўлнинг бир томонлама қатнов қисми автомобиллар ҳаракати учун вақтинча ёпилади.
Ҳайдовчилардан юзага келиши мумкин бўлган тирбандликларни олдини олиш мақсадида айланма йўллардан фойдаланиш сўралган.
